%20QR%20code.png){kind=small}
學員參加無念靜心治療後的體驗及感受分享：
我之前冇諗過單單7日效果係咁明顯，只係短短
7 日就已經可以淺嘗到「無念」狀態同「見到」頭腦嘅狡猾，並且嘔左
7 日垃圾後先察覺到自己原來不知不覺做咗垃圾桶咁多年。清空後嘅感覺原來係咁！
身體抗衡：第1-4日每逢下午四點我就頭痛頭脹，要食止痛藥；從踏上地鐵到中心整個路程成個人好重唔願行，頭腦知道我要佢休息。感覺就似阿媽捉一個死都唔想返學嘅小朋友去學校咁。但我執意堅定，拖都要拖到去中心。靜心開始後去到第5日，佢冇再用頭痛嚟要脅我了。
頭腦干擾：個腦除咗叫我唔好返學，觀照時出現好多古靈精怪畫面，由剛開始刻意提自己放手到中段熄機想我瞓覺，我觀察到頭腦嘗試用唔同形式吸引我注意，果個唔想返學嘅小朋友話我聽：我人雖然返左嚟，但腦唔會屈服，看我出招！其實幾攪笑。但講真，當個小朋友停果刻，我感覺好奇怪。咦！原來個腦停咗！呀！無念！係無念！雖然只有一瞬間。
回到生活：有幾個明顯轉變，包括個腦好似冇咁忙，對自己及外間嘅敏感度高左，但同時又有種抽離感，好似坐遠左少少去觀察同感受「我」呢刻係點，多夢嘅我發夢少咗，我覺得呢啲都係清空垃圾桶嘅效果。嗯…係一個安靜平和嘅小朋友單獨坐喺度自得其樂。
奧修7日無念靜心真係好勁！我強烈推薦未體驗過嘅朋友比自己一個機會，同學們點分享都係隔靴搔癢，有啲嘢只可意會，不可言傳！係度要多謝中心同資深嘅導師們，令我哋有安全環境、適時嘅講解及協助，畢竟每個人反應都唔同。而對於高強度亂語，都好易被人誤會發生咩事，打攪到管理處或者警察都唔係咁好啦。多謝中心！
14日話咁快就過咗，當初報名時諗住，7日咁耐！平時喺屋企做靜心成日坐唔定， 旭嚟旭去， 呢度痕果度痕，偷睇時鐘，點知又報多7 日。
自問真係無乜耐性，但我知要連結自己嘅最好方法就係靜心，搵返我個嚮導，帶住我前進。
所以對於靜心新手嘅我，14日係一個起步，由開始周身唔自在，到好似有啲唔同咗喎，返到屋企都做到下喎，所以要多謝中心所有人嘅帶領，比我踏上這無盡旅程，謝謝。
這是我第四年參加無念靜心，雖然是第四次參與，但每次的體驗、挑戰及所學習也不一樣。過往在靜心的時間，我最大的挑戰是未能放鬆，每一刻也是崩緊的狀態，再加上有很多身體的騷擾，未能靜止下來。而今年我最大的挑戰卻是過於放鬆，當身體能夠靜止的時候，我也順帶睡著了。雖然到了第七天在靜心部份「當下」的時間未有明顯的延長，但在日常生活卻因為這七天的無念靜心而有微少的改變，令我感受到生活的不一樣及當中精彩。
抬頭看天空藍天睛空廣闊，無邊際多麼自在放鬆。這不就是我們的本然狀態嗎？
可是，更多時間我們的天空不是藍天而是充滿烏雲，甚至雷雨。這些可能是情緒，更多是我們的雜念吧！
我接觸很多有情緒困擾的朋友，或是生活遇到巨大壓力時，他們都會告訴我：為什麼我腦內意念轉動充斥每分鐘，甚至每秒鐘，喋喋不休？而且這些意念是，揮不去的胡思亂想、困難、阻礙被標籤左為負面的東東！嘩！最可惡是停止不了，夜深人靜還會偷偷來訪。
如果以上狀況如有雷同，其實不是因為你有問題，是因為這是都市人的「附屬品」吧！
對於這「附屬品」都市人喜歡行街睇戲旅遊玩樂、行山運動見朋友
……
來缓衝缓衝！
而我選擇了積極地每年清一清！而無念靜心治療對我來說，能支持我回歸內在那原本藍天睛空廣闊無邊際自在放鬆的狀態。近年來，世界各地大小名人都在網絡上公開平日練習靜心帶給他的好處。
希望你也找到你的靜心方法！
資深塔羅牌及身心靈導師
Jyoti @ 2010
有關無念靜心治療資料請按這裡。
查詢或報名可致電 +852-31840974 或 Whatsapp +852-68572939 或 Telegram 信息聯絡 或 電郵至 registration@hknewage.hk